...

BHSS Hosteller-te tana hriat turte

BHSS hosteller-te tana hriat turte:

1. Sorkar thuchhuak angin class 10 leh 12 te'n 16th October 2020 aṭangin regular class phalsak kan ni a. Amaherawhchu thingtlang lam aṭanga rawn kal turte an awm bâkah hosteller lut turte RAgT test paltlang a ngaih avangin 19th October 2020 aṭangin regular class ṭan tur a ni ang. Class 9 leh 11 zirlaite erawh chu tuna kan kal dan pangngaiin online class chhunzawm a ni ang a, sikula zirtirtu zawh tur neite chu nu leh pate phalna lehkha nen sikulah an kal thei ang.

2. Hosteller tan hun a chêp deuha kan hriat avangin 19th October 2020 (Monday) atangin hostelah luh ṭan theih a ni ang.

3. Sorkar thuchhuak angin Hostela lut tur ten Rapid Antigen Test (RAgT) paltlang hmasak vek tur a ni a. RAgT hi Lunglei CMO office (Civil Hospital thlang)-ah chawhma chhungin ngaihven tur a ni. Test man hi Rs 500 a ni a. Truenat hmanga test duh tan CMO office-ah tho ngaihven theih a ni a, test man Rs 1500 a ni thung. Covid 19 lakah an him tih chianna certificate nen chauh hostelah luh phal a ni.

4. Mimal mamawh hrang hrangte, mask leh sanitizer te pawh kumin chhung daih rawn inrin nghal theih ni se. Covid 19 avangin Day-Out a rem dawn tawh lova, nu leh pa leh local guardian tan pawh hosteller rawn tlawh a remchang tawh dawn rih lo. Emergency case erawh a ṭul anga ngaihtuah a ni ang.

5. Khua a vawh ṭan avangin thawmhnaw leh mutbu lum rawn inrin nghal tur a ni ang.

6. Board Exam atan form fill up thuai tur a nih hmel a. Form fill up atana document pawimawh leh pawisa pawh rawn inrin nghal tur a ni ang.

7. Hostel Fee chungchang -

Admission fee - Rs 1000
Security deposit - Rs 1000
Hostel fee hi tun session atan chuan a chanve lak ni se tih a ni a.
Instalment 5-a pek theih a ni ang.
Kumin chhungin instalment 2 pein, nakkum 2021 march thleng atan instalment 3 pek tur a ni ang.
Rs 4800/-in vawi 5 pek tur tihna a nih chu.
Hostel luh hunah Rs 6800/- lo inrin nghal tur a ni.

8. Damdawi ei lai nei chuan doctor lehkha rawn ken ngei tur a ni ang.

9. Hostel luh hnu-ah chhuah a rem dawn tawh loh avangin zirlaibu, excercise book, paper leh mamawh dang zawng zawngte pawh ken nghal vek tur a ni ang.

10. Subject har deuh ṭhenkhatah tuition ngaihtuah sak an ni ang a, a ṭul angin tuition fee tur pawh lo inrinlawk ni se a lawmawm khawp ang.

Wardens
Boys and Girls Hostel
BHSS, Serkawn