...

Diamond Jubilee hawnna hun hman a ni.

Kan school, Baptist Higher Secondary School, Serkawn chuan Pathian hruainain kum 60 a lo tling ve ta. Kum 10 kalta khan Golden Jubilee kan phak tawka ropuiin kan lawm a, kan la hre rengin a rinawm. Kan beisei leh kan ruahmannaa tel lo Covid-19 pandemic avangin khawvel pum kan buai a, keini school thlengin min nghawng a. Ropui taka he Diamond Jubilee hawnna hun hi hman kan chak tehlul nen kan boruak tawnin a zir ta lo a ni. Tun boruaka kan phak ang tawkin programme kalpui a ni a, Pathianin rem a tiha session thara class kan kal mumal thei a nih chuan Diamond Jubilee pual hian function/programme dang pawh la buatsaih chhoh tum a ni, kan tihhlawhtlin theih ngei nan pawh tawngtainaah lo hre thin ila a tha awm e.

Vawiin Dt. 8th February 2021 (Monday) chawhnu dar 1-ah khan kan school Diamond Jubilee hawnna hun chu Principal, Pu R.Zosangliana kaihruaina hnuaiah hman a ni a. Rev. L.Vanlalsanga, Director, Education Department-in hunserh a hmang a; Rev.F.Ramdinmawia, General Secretary, BCM chuan Monument hawnna leh thuchah tawi sawina hun a hmang a; R.Vanlalthiana, Secretary, Diamond Jubilee Celebration Committee hnen atangin report tawi ngaihthlak a ni bawk a. Programme hman zawhah light refreshment sem a ni bawk.

To God be the Glory.

BHSS Serkawn - The Utmost for the Highest.