...

Thisen pe tam ber - NSS Unit BHSS

Pathian khawngaihna leh NSS PO-te hmalakna leh thawhrimna leh students fel tak tak, midangte tana malsawmna ni tura mi inpe tak takte avangin nikum 2019 - 2020 chhung khan NSS Unit BHSS te chuan Mizoram pumpuia Higher Secondary level-a Thisen pe tam ber lawmman Pakhatna kan dawng a. Nimin NSS Day-ah khan Aijal Clubah function neih a ni a, hetah hian lawmman hlanna hun hman nghal a ni. Lawmman Pakhatna hian pawisa fai Rs.50,000/- leh Citation a keng tel nghe nghe a ni.

Kan students fel tak tak ten hlau chung chung te, chak tak chungtea blood donation an rawn nei hram thin te hian midangte tana malsawmna nih hlutzia te, ni thei tura hriselna tha neih a pawimawhzia te min hriatchhuah tir leh fo thin a. Kan Christian Hospital Serkawn in hetiang ang NSS Unit tha, an bulhnai maia awm an nei hi BCM tan pawh a vanneihthlak hle a ni.

Tin, Dt.24th September, 2020 (Thursday) NSS Day pual denchhenin vawiin Dt.25th September 2020 (Friday) khan NSS POs leh Volunteer Students engemaw zat school leh a chhehvel tifaiin an hnatlang nghal bawk a.

Sawrkar thuchhuak bawhzuina nipahfawmin Dt.28th September 2020 (Monday) atangin School tan tur a ni a. Fai taka school leh a hmunhma an lo tifai hi a lawmawm hle a ni.

To God be the Glory
Long live NSS BHSS